Monday, February 13, 2017

бурхан өршөөг

дүнчүүр маанийг дүнгэнүүлвээс
дүлий хооснууд ухаарах үү?
илэрхий тодыг харуулсан ч
ичгүүргүй сохрууд буух уу?
бурхан өршөөг
бурхан өршөөг

2017/2/13

Thursday, February 2, 2017

Онол номер 37

Хааяа сэтгэлээрээ цөмийн бөмбөгт өртчөөд тахир дутуу, хөлгүй, гаргүй, амьсгалж байгаа үгүйтэй чичирч суухад чамайг нэгэн цагт хайрлаж, чи тэднийг нэгэн цагт хайрлаж байсан хүмүүс л авардаг гэдэг онол надад бий. Хэчнээн хамт байхгүй, дурлал нь дууссан ч тухайн үедээ хайрлаж байсан мэдрэмж, хүндэтгэл нь үлдсэн байдаг. Түүгээрээ бие биеэ тэтгэдэг. Бууж өгөхийг зөвшөөрдөггүй. "Бос!" гэдэг, яагаад мөлхөх ёсгүйг сануулдаг. Хайраа (хайр гэж ер нь яг юу юм бэ?) сануулдаг. Тэр хайрлаж байсан хүн нь мөн юм чинь үгүй болохыг нь зөвшөөрдөггүй.

Хүн хүнээ хайрлахдаа ер нь яг яагаад хайрладаг юм бол? Хэзээ эхлэж, хэзээ дуусдаг юм бол? Хайрыг бясалгасаар өчнөөн жил болчихсон. Хүйсийн шилжилтийнхээ дараа илүү өөрийнхөө биеийг мэдрээд эхлэхэд энергиэ хүртэл мэдэрч эхлэхэд (энергийн түвшинд жишээ нь секс хийж болдог юм билээ гэх мэт, гэхдээ энэ талаар дараа бичье) хайр бол нэг тийм урсгал мөн чанартай зүйл юм билээ л гэж мэдэрсэн. Бүх зүйл энерги юм бол хайр гэдэг хүний хамгийн сайн сайхан энерги урсахыг хэлдэг юм болов уу. Хэзээ ч дуусашгүй юм шиг мөртлөө зарим тодорхой тохиолдлуудад урсахаа больдог. Гацдаг. Гацсан учир булингартаад, өмхийрдөг. Дараа нь бүр асгаж, цэв цэвэрхэн болгож угаах ёстой юм шиг мэдрэгддэг тийм байнга урсах ёстой зүйл.

Хүйсийн шилжилтэд орох хүслээсээ, үгүйсгээд үгүйсгээд, зугтаад зугтаад чадаагүй анхдагч хэрэгцээнээсээ болж экс эхнэрээсээ салаад нэлээд олон жил бодогсдсон зүйл нь "Тэр хүн миний сүнсэнд биш, биед л хайртай байж" гэж. Хэчнээн салаад зургаан жил болсон ч ЛГБТ эрхийн төлөөх хөдөлгөөний саад, уналт, ялалт бүрээ, сэтгэлийн дүүлэлт ба үгүйрэл бүрээ түүнтэй хуваалцахтайгаадаа хүрсэн. Ядаж л үзэн ядахаа больсон байлээ. Түүний сонголтод нь гомдохоо больсон. Хэзээ ч уучлахгүй гэж боддог байсан тэр гомдол арилсан байлээ. Түүнээс өмнө хайртай байсан, ямар нэг хэмжээгээр миний анхны гей харилцаа ч гэж бодогддог тэр хүнтэйгээ бас хааяа ярьдаг болсон, хэрэгтэй үед минь "Хөөе, чи зүгээр биз? Ахын дүү цоглог шүү, ингэхгүй ээ хө" гэдэгт нь баярладаг.

Хүмүүс салаад арав, хорь, гучин жил болсон ч хайрын цуурайнууд үргэлжилдэг гэж би итгэдэг. Эргэж нийлэх утгаар биш. Зүгээр л нэгэн цагт тэр урсгал үнэн байсан учир зарим хэсгүүд нь үлдсэн байдаг.

Нээрээ хүмүүс бие биеийнхээ сүнсэнд дурладаг юм уу, биед дурладаг юм уу? Транс эрэгтэйн хувьд би одоо ч өөрөөсөө ч, бусдаас ч асуусаар байгаа ганц асуулт. Ямар ч байсан дахиж хэнд ч, хэзээ ч бие эрхтэнээрээ доромжлуулахгүй гэдгээ уржигдар бүрэн дүүрэн ойлгосон. Тэр гацалтаас, тэр булингарталтаас гарах цаг болоод өнгөрснийг харсан.

Хайр уу? Мэдэхгүй.


Wednesday, February 1, 2017

fucking bitch

i stare at the tiny cobweb on the ceiling swaying lightly at the barrage of words from his mouth you're just a fucking bitch who used me i shake my head in exasperation close my eyes imagine myself back at the beach last december walking talking laughing stopping to look at dead mucous-like jellyfish left behind by the tidal wave shuddering walking talking laughing kissing arms around each other nothing was as it seemed was it now no love is enough or strong to break through misperceptions people have of you or your love for them you're just a fucking bitch echoes from the corridor travels throughout this rickety old building neighbours waking up at 3am i can hear them can you you're just a fucking bitch lucy runs hides puts herself away from the non-stop noise pollution can i join you there in the closet is there space enough for me there you're just a fucking crazy bitch who can't even fuck i promised myself so many things where are they what am i how am i supposed to get up from this i protest meekly i search his face i see no mercy you're just a fucking dickhead bitch tears fall my head falls i can't get up or else i'll get what i deserve another ruptured eardrum i curl inside i wish i were invisible i wish i were not here i wish i did not feel this at 4am on wednesday morning i choke back my pride my desire to see a void in the space he is beg him to stay the night he stomps off to the other room you're just a fucking bitch who deserves nothing yes i don't deserve anything certainly this shaking pummelling of thousands strings vibrating till they burst you're just a fucking bitch torture me torture me torture me that's all i deserve but no buts that's all i deserve i am just a fucking bitch a woman is talking to death such a beautiful poem i read twenty years ago it tore into me words imprinted forever most beautiful poem that i began translating today you're just a fucking bitch but i can't finish it now can i how do you get up from this what will i do tomorrow the day after tomorrow a month or two from now burn my wheezing lungs drown my liver kidneys i want to be dead you're just a fucking bitch the velvety luxury of his fragrant skin burns in my memory slides collapses drowns what have i done to you you're just a fucking bitch have you done to me you're just a fucking whore colour me dead colour me gone



Tuesday, January 31, 2017

Үхэлтэй хүүрнэх эмэгтэй, 1-р хэсгээс | A woman is talking to death, excerpt from part 1

Жүүдий Граан

Нэг
Шүүх хурал дээрх үл сонсогдсон мэдүүлгүүд


миний амрагийн шүд дээгүүр минь эргэлдэх цагаан галуу
миний амрагийн булчин гарт минь тэмтрэгдэх олсон шат

амрагтайгаа хоёр дугаар сарын шөнө дунд
Бэй гүүрний уртыг хэмжин харьж явтал
цаад захын зүүн урсгалд би сонин зүйл харсан:

жижигхэн биетэй залуу хашлагыг налан зогсоход
яг харалдаа нь тэр урсгалд юуг ч зогсоох чадалтай мэт
хоёр энгэрт пальто, жийнс өмссөн том биетэй залуу
хоолны газар захиалгаа тайван хүлээх шиг
толгой нь саваастай, инээд нь үнэхээр сонсогдож буй мэт
мотоциклоо хаазлан хөхөрч байсан.

“Тэр тэнэгийг хар даа, ийм гүүрэн дээр
зогсчихсон байдаг” гэж эмэгтэй хүний л үг
би хэлсэн.

Тэгэхэд бид цагт тавин миль хурдлах
төмөр цемент хоёрын чимээний утгыг сонссон
тэгээд захын зүүн урсгал
тэр чигээрээ том машин болж, харин
мотоцикл хумигдаж, яг л
бүгд дэлбэрэхийн даваан дээр, шүргэлцэлд нь
төө төө улбар очис агаарт буудаад…
чимээ нь одоо ч шүд хавируулдаг.

Машин зогсоход харалдаа нь бид зогсоод
Уэндий тусламжийн утас руу гүйхэд нь би
зургаан урсгалаар боулингийн талбайгаар гүйх
хулгана шиг сүлжээд “Та зүгээр үү?” гэж
саарлаас саарал хар арьстан хижээл насны жолоочид хэлэхэд
“Би зогсож чадсангүй, би чадсангүй, юу болов оо?”

Тэгээд би санасан. “Тэр мотоцикл дээр
хүн байсан” гэсэн. Тийш нэг үү, хоёр уу, мэдэхгүй, километр
гүйсэн. Гүүрний явган зам арван наймхан ямх өргөн.
Хэн тэр ихэрхлийг бүтээгээ вэ… Тас хар, хөлдүү салхинд
хашлага даваад усны хатуу гадаргуу дээр
орилон унах мэт байсан ч унаагүй. Гүүрний эзэн гэж
өөрийгөө бодсон тэр өндөр залуугийн нүдний шил нь байсан ч 
ихэнх жийнс нь хаа ч юм, хаана байгаа юм бол? гутал нь? 
өгзгөн дээрээ хоёр сэтэрхий, үрийн шингэний нарийн гуурсууд 
газар урссанаас өөр сэвгүй, хүүхэд насаа бүрэн гээсэн, унтаа мэт
толгойгоо хугарсан гараараа хамгаалан хэвтэхийг олсон.

Бугуйг нь галзуу мэт шүүрээд буцааж тавьсан,
яг миний хойно урт үстэй хоёр эмэгтэй нүцгэн гараараа
улангассан бух мэт түрэх машинуудыг зогсоож байхад
борооны дараах зам дээр чийгийн улаан мөлхөхдөө
бяц даруулдаг шиг бяцлуулах мэт би айсан,
байнга айдгаасаа бүр илүү айсан, явахыг
хүссэн. Замдаа тэр жолоочтой таарсан.

“Тэр нас барж.” Гүүрнээс биднийг хөөргөх 
салхийг сөрөн түүний гарыг би атгасан.

“Ээ бурхан минь, амьдралд минь
хангалттай зовлон байсангүй гэж үү?” гэж тэр хэлээд
толгойгоо өргөхөд нэг л секунд цөхрөл нь асгарч
“Би гэр лүүгээ л явж байсан шүү дээ” гэж
орилоод “Бурхан минь гэж, тэгсэн ингээд 
хүн алчихлаа” гээд гүүрэн дээр 
толгойгоо унагасан.

Өөрийнхөө хоёр энгэрт пальто, жийнсээ би харсан,
Үхсэн залуугийн "Эмэгтэй хүн л ингэнэ дээ" гэж
хүмүүс хэлэхээр орилон уйлах, утгагүйг үглэх найзыг нь харсан.
“Ийм юм байх боломжгүй ээ!” гэж тэр гаслан чарласан ч
ийм юм байх боломжтой, үнэхээр болсон,
жийнсгүй, үүрд хальсан, пальтондоо унтсан,
ийм зүйл биелсэн, ийм юм байсан.

Тэр инээнгээ нас барсан. Энэ бол баримт.

үргэлжлэл бий

орчуулсан Анараа


Friday, January 27, 2017

МУУРЫН ЗҮҮД

цэнхэр-хөх-нил ягаан-ногоон униарррррр

өө сэрчихсэн үү?
намайг ил, хайрла.

нээрээ сониноос
надгүйгээр чи яаж амьдардаг вэ?

2017|01||27