Monday, January 16, 2017

БИ ОРИЛОО

"Чшшшш чимээгүй, за одоо больчих оо.
Чи хэлээд наадуул чинь ойлгохгүй."

            Бусадтай адил ч бас адилгүй хувь заяанд төрсөндөө
            Бишгүйдээ л БҮГДЭД чичлүүлж сурсан ч,
            Өөрөөрөө л байх хувийнхаа зайд ч
            Өргөс мэт үзэгсдсээр, өөрийгөө илэрхийлшгүй.
                                                                   УУЛ НЬ БИ ОРИЛОО.

            Хүнд, хэцүү, ялгаварлагдсаар байгааг минут тутам хураах,
            Хүнийх биш, уул нь миний л хайрт тэр бүрт "Ядаргаатай новш" гэх...
                                                                   УУЛ НЬ БИ ОРИЛОО.

"Чшшшш чимээгүй, за одоо больчих оо.
Чи хэлээд наадуул чинь ойлгохгүй."

              Дээрэлхүүлсээр, "байгаа л энэ юм чинь" гэсээр сэтгэлдээ үхсээр байхыг,
              Дээрдэх зүйл хэзээ ч үгүй, "бодит байдалтай эвлэр" гэсээр насыг барахыг
              Над шиг үйлийн үртнүүд хэзээ ч ойлгохгүй, түй май!
              Насаараа өөрийнхөө үнэнд амьсгалсаар үлдэе, төвөг цаашаа.
                                                                    БИ ОРИЛОО.

              Гадаад зүйлсэд шунасаар байх олонлогийн нэг бол
              Гарцаагүй минийх биш, тонил цаашаа!
                                                                    БИ ОРИЛОО.

"Чшшшш чимээгүй, за одоо больчих оо.
Чи хэлээд наадуул чинь ойлгохгүй."
            
               Хувь заяагаараа явсаар л байна, гэлдсэрсээр л байна.
               Хувь хүн байтугай, гариг ертөнцүүд ч хоорондоо холбоотой.
               Хувь заяагаараа худал үнэнийг зарласаар л байх
               Заяа төөргөндөө л үлдэе, бусад нь тонил цаашаа.
             
2017|01

No comments:

Post a Comment

Бусдын эрхэд халдсан утга агуулга бүхий комментуудыг хэвлэхгүй болно.

put on a face

put on a face                      a brave face, a dead face put on a face and go. put on a face                       a kind face, a br...